Bilanci i policisë rrugore, Balla: Apel drejtuesve të mjeteve, kujdes shpejtësinë

13:36 | 21 Korrik 2024
E.G

Ministri i Brendshëm i Shqipërisë, Taulant Balla ka reaguar pas bilancit të policisë rrugore lidhur me javën e fundit.

Balla shkruan se duhet të ndiqen me kujdes rastet e shkeljeve të normave të qarkullimit rrugor, e nëse shpejtësia kalohet 2 deri në 3 herë më shumë atëherë kthehet në rrezik për përfshirje në ngjarje rrugore.

Tutje, ai apelon drejtuesit e mjeteve të shijojnë rrugët e reja të vendit dhe të respektojnë rregullat e qarkullimit rrugor.

”Ndiqni me vëmendje këto raste flagrante shkeljesh të normave të qarkullimit rrugor.

Shpejtësi që shkon edhe 2 deri në 3 herë më shumë se norma e lejuar në rrugët e reja të vendit, dhe në tunelin e Llogarasë, janë rrezik potencial për përfshirjen në ngjarje rrugore. Apeloj për të gjithë drejtuesit e automjeteve, të shijojnë rrugët e reja të vendit, të shijojnë fundjavën, por të kujdesen për jetën e tyre dhe të përdoruesve të tjerë të rrugës duke respektuar rregullat e Qarkullimit Rrugor’‘, shkruan Balla.

 

Shpërndaje në rrjete sociale

Lajmet më të lexuara

Të ngjashme

Foto lajm